تریبون

Videos

اٶزل / ويژه

قیما گیزلنسین گولوم ظولمات زولفونده اوزون

اسمه میش باد صبا سن گل نمایان ائت اؤزون

یئخ حصارین اؤرتویون چیخسین گؤزه للیکلر اوزه

جلوه یه حوسنون کور ائتسین زاهید ین ظالم گؤزون

چال آزادلیق نغمه سین قووسون قارانلیق یئللری

تئل تئل آچ زولفون تلاوت ائیله سین مین بیر سؤزون

آرزی باغین سارسادا وقتسیز خزانلار ماتمی

سن سرای سینه ده ساخلا یانیق سئودا کؤزون

سؤنمه ین اولدوز کیمی کؤکسونده حاکیم ظولمتین

مژده سین وئر گؤزله نن آیدین گونشلی گوندوزون

آیریلیقداندیر اولان یوللار دؤنوملر آیریمی

کؤکله وصله سازینی بیزده تاپاق عشقین دوزون

یای 2011 اسماعیل جمیلی